Aruba su comunidad hoben entre 15 y 30 aña di edad ta wordo cordialmente invita pa bin experencia e evento, Goalkeepers Youth Fest, cual ta wordo organisa door di Global Shapers Oranjestad y UNESCO Aruba riba Diabierna, 20 di December, 2019, di 1 or pa 5 or di atardi, na San Nicolas, Aruba. E evento aki ta gratis, pero mester registra  pa por atende.

Goalkeepers Youth Fest ta un evento organisa pa conscientisa pueblo di Aruba tocante e 17 meta nan global estableci door di United Nations, cual ta wordo yama e “17 Sustainable Development Goals”, cu tin e meta colectivo pa traha como un plan pa logra un mihor futuro cu ta mas sostenibel pa tur ser rond di mundo.

Lo tin ‘breakout sessions’ caminda cu persona nan y organisacion nan di e comunidad Arubano ta bay comparti nan mesun experiencia den algun topico specifico. E tres topico nan principal di cual participante nan por scohe pa disfruta durante e ‘breakout sessions’, ta: “Climate & Environment”, “Education & Employment”, y, “Equity & Inclusion”. Lo ta bay tin varios presentacion exclusivo y special pa haci e evento aki no solamente informativo, pero tambe leuk pa experencia.

Goalkeepers Youth Fest lo tuma lugar entre 1or di atardi y 5 or di atardi na The Movies @ Principal, situa na Bernard van de Veen Zeppenfeldstraat 20. Ademas di esaki tambe lo tin presentacion nan cu lo tuma lugar na Cosecha San Nicolas cu ta otro banda di caminda di Principal y Biblioteca Nacional Aruba – San Nicolas, cu ta situa banda di Principal.

Pa mas informacion por bishita e Goalkeepers Youth Fest Facebook event, via e siguiente Facebook page nan: Global Shapers Oranjestad y UNESCO Aruba.