Dialuna mainta a drenta informe di un accidente cu hende herida na e salida di e parkinglot di CMB na Palm Beach, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e minivan cu a bay sali for di e parkinglot pazuid di e banco tabata tin dificultad pa mira si tin auto ta bini y a sali tog net ora cu un Nissan March tabata bini di nort y a dal den dje. Debi na e impacto cual tabata net na banda di e chauffeur di e minivan a laga e chauffeur herida. Na yegada di e ambulans nan a atende e victima y a transporte pa hospital.
