Chauffeur coriendo cu velocidad halto a baha caminda y drenta mondi na Sasakiweg.

Diadomingo madruga a sosode un accidente riba J.E. Yrausquin Boulevard na altura di e T-Kruising pa bay Palm Beach Plaza. Un auto Lexus pa un of otro motibo a perde control riba caretera, baha caminda, drenta mondi na man drechi y ranca un mata completo.

E scenario despues di e desgracia tabata parce comosifuera e mata a crece riba hood di e auto. E chauffeur hoben a resulta herida, pa cual a pidi presencia di ambulance na e sitio.
Testigonan a conta despues di e desgracia cu velocidad halto a hunga un rol sin falta. Na yegada di e ambulans nan a atende e victima y a transporte pa hospital.

Share:

Leave a Reply

Your email address will not be published. Required fields are marked *