Polis cu persecucion di un auto for di Ser’i Teishi te cu Sero Janchi unda polis a logra para e auto y a detene e chauffeur y ocupante!

Diabierna anochi durante control polis a signala un auto pa para. E chauffeur di auto lo no a para y mesora a cuminsa un persecucion. E chauffeur a core for di Ser’i Teishi te Sero Janchi. Esaki lo ta e ruta cu e persecucion: Seri teishi pa Mahuma, Sabana Berde, Avenida Milio Croes, Wilhelminastraat, Adriaan Lacle Boulevard, Van Leeuwenhoekstraat, De La Sallestraat, Kamerlingh Onnestraat, Tanki Leendert, Catiri, Moko, Saliña, Sabana Liber y termina na Sero Janchi. Cu ayudo di helicopter policial a logra sigui e auto. Na dado momento e chauffeur di auto lo a paga e luz di auto den area di Moko pero e helicopter sigui’e. Polis a logra para e chauffeur na Sero Janchi. Mesora polis a detene e chauffeur y e ocupante y a confisca e auto pa investigacion.

Share:

Leave a Reply

Your email address will not be published.