Diasabra madruga a drenta informe di un explosion y candela na un cas den Fiyostraat, mesora a dirigi tanto polis, ambulans y tambe bombero na e sitio. Na yegada di e patruya a bin compronde cu aki ta trata di un explosion den cushina cual a causa candela den e cas. Como cu e candela a produci hopi huma y tabata expande rapidamente polis a opta pa evacua tur e bisiñanan den cercania. Na yegada di bombero mesora a cuminsa combati e candela. Durante e candela un total di 4 persona y un mucha tabata tin mester di atencion medico, na yegada di e ambulans nan a atende e personanan aki y a transporta nan pa hospital.
