Team di Maneho di Calamidad Nacional: DECRETO GUBERNAMENTAL 1 DECEMBER 2019 PROLONGA CU 3 DIA MAS: ATAKE CIBERNETICO DR. HORACIO E. ODUBER HOSPITAL

E crisis cibernetico na Horacio E. Oduber Hospital a drenta su di dos siman di cual pa e ultimo 6 dia el a wordo maneha conforme loke ley ta prescribi door di un decreto gubernamental.

 Team di Maneho di Calamidad Nacional despues di a evalua e situation a conseha Minister President Evelyn Wever Croes cu ta recomendabel pa mantene e maneho di e crisis cibernetico di Dr. Horacio E. Oduber Hospital por medio di prolongacion di e decreto gubernamental conforme e ley di Calamidad, pa e siguiente 72 ora.

E decreto gubernamental ta duna e Team di Calamidad Nacional e espacio necesario conforme ley pa mantene e crisis conteni y haci adaptacionnan necesario pa cu obhetivonan y maneho di e crisis.

Minister President Evelyn Wever Croes mes momento ta sigura cu e salud di pashent y salubridad publico ta garantisa pa cu Hospital y Aruba.

Share:

Leave a Reply

Your email address will not be published. Required fields are marked *